Vamos facer una ruta de senderismu llinial per Las Foces del Pino, 7 km dir y volver, una de les rutes averaes al pasu del cordal a Llión, que configuró la ruta ayerana de pelegrinaxe viniendo dende les tierres llioneses de Boñar. Desque se visita la ilesia de Santibanes de la Fuente y el so texu milenariu, va facese una posa pa xintar en Coḷḷanzo.

L´itinerariu va siguir na ilesia románica de San Vicente de Serrapio, con canes y escultures mui destacables; en Soto, llugar estratéxicu en dirección a Oviedo/Uviéu, vamos ver les murueques de la fortaleza y torre asociaos a les posesiones de doña Gontrodo Petri y doña Urraca y vamos acabar nel santuariu marianu de Miravalles, del que yá se teníen noticies nel Altumedievu.