Siguiendo la estructura d´un combate de boxéu, el monólogu enfrenta en diez asaltos dos histories de forma paralela. D´un llau, vamos descubrir la historia real de Rukeli, el boxeador alemán y xitanu que desafió al mesmu Hitler na dómina de l´Alemaña nazi. El capítulu más escuru de la historia d´Europa cuntada dende los güeyos d´un mozu que namás quixo lo que tantos otros, sobrevivir. D´otra parte, vamos conocer a Saúl, un xitanu homosexual que, na España rural de los 80, busca la so identidá y intenta sobrevivir dientro d´una familia tradicional.

Esta ye la historia de cómo Rukeli, Saúl y otros xitanos, llucharon, aguantaron, morrieron y sobrevivieron al Holocaustu y a la sociedá; pero tamién ye la historia de cómo dellos homes faen por encaxar nel conceptu ideal de ser homes de verdá, nun contestu que los refuga pola so raza o orientación sexual.

 Premiu Teatru 2019 Autor Express, Premiu Nazario meyor espectáculu 2020.

Esta obra de teatru forma parte del VI Festival de Cine LGTBI del Centru Niemeyer, gracies a la collaboración cola Fundación Secretariáu Xitanu d´Asturies.