En collechando incontables éxitos col so tour 30… y tanto, Sergio Dalma pasa páxina y vuelve a l’actualidá con Alegría, un trabayu discográficu nuevu y xira que va presentar el 28 de mayu nel Teatru de la Llaboral. Un marcu pa una ocasión realmente especial, una y bones Dalma llega cargáu d’enerxía positiva y bones vibraciones, con un repertoriu incontestable qu’inclúi nuevos cantares y, por descontao, los sos grandes éxitos de siempre.

Con esti necesariu pasu alantre, el cantante de Sabadell demuestra que sigue en plena forma por aciu singles lluminosos como La Noche de San Juan, onde xuega cola rumba y los soníos mediterranios nun exerciciu de gran frescura. Nun ye poca cosa pa un artista con más de 30 años de trayectoria, que cunta nel so haber con un bon puñáu de cantares inolvidables que formen parte de la memoria colectiva de delles xeneraciones.

Nel 2022 Dalma va repartir la so Alegría per toa España y Llatinoamérica.