Talleres, visites guiaes, campamentos, un escape room… son dalgunes de les actividaes pa tolos públicos que´l Centru d´Arte Rupestre Tito Bustillo programó pa esti branu. Les places son llimitaes y encamiéntase compra d´entrada online.

Campamentos prehistóricos. Campamentos urbanos, per selmanes completes, dende´l 28 de xunu al 3 de setiembre, de 08:30 a 14:30 h. pa menores ente 3 y 14 años.

Taller infantil Pequeños artistes de la Prehistoria. De miércoles a sábadu en xunetu y agostu, sacante´l 7 d´agostu y les fines de selmana de setiembre, sacante´l día 25, 12:00 h.

Taller didácticu pa públicu familiar. De miércoles a domingu de xunetu y agostu, sacante 7 y 8 d´agostu y fines de selmana de setiembre, 16:00 h. Cada mes, distintes temátiques: en xunetu: Y tu, ¿Ónde vives?, n´agostu, Venus prehistóriques y en septiembre, Piedra sobre Piedra.

Escape Room Escapa de la Prehistoria: 4, 11, 18 y 25 de xunetu, 1, 15, 25 y 29 d´agostu y 25 de setiembre, 11:30 h. Plazes escoses 4 y 11 de xunetu.

Esposición temporal Ruta primitiva del Camín de Santiago al traviés del vestuariu. De miércoles a domingu hasta´l 18 de xunetu.

Visita y muestra de ropa Ruta primitiva del Camín de Santiago al traviés del vestuariu: 10 de xunetu, 12:00 h.

Taller Recolectando plumas con La Machina Teatro: 18 de setiembre, 12:30 h.

Olivia y las plumas mágicas de La Machina Teatro: 18 de setiembre, 17:30 h.

Conferencia Pasado y presente de las investigaciones arqueológicas en las Cuevas de la Lloseta y les Pedroses. Arte y ocupación paleolítica, al cargu d´Alberto Martínez-Villa, 5 de setiembre a les 12:00 h.

Amás, visites guiaes a la esposición permanente y disponibilidá de gafes virtuales pa ver les cueves de Loxa, Llonín, Pindal y Buxu: tolos díes de xunetu y agostu y fines de selmana de setiembre, dellos pases al día.

Más información