La aventura americana, 1870-1876. Fotografías de Thomas C. Roche en la colección del Museo Evaristo Valle, recueye n´edición bilingüe, n´español y inglés, les obres orixinales que conformen la esposición del mesmo títulu, ye´l primer estudiu sobre la vida y obra Thomas C. Roche que se fai nesti país y la primer publicación monográfica sobre´l so trabayu a nivel internacional, ún de los fotógrafos más destacaos de la segunda metá del sieglu XIX nos Estaos Uníos, y el desenvolvimientu del so trabayu, nel marcu del que van apaeciendo les distintes series de fotografíes qu´integren la colección del Muséu Evaristo Valle Union Pacific Railroad, Yosemite, Canadá, Nuevo Hampshire, Nueva York.

La presencia d´estes fotografies nun fondu asturianu puede esplicare poles rellaciones de distintes rames familiares del pintor Evaristo Valle col mundu americanu, como resultáu de les investigaciones que llevó a cabu Gretel Piquer Viniegra, doctora n’Historia del Arte y responsable de la sección d’Archivu y Documentación del muséu.