Circuito de proyectos de actividades musicales

Pasámos la vida arreglando´l futuru y esi futuru nun va dicinos más qu´una sentencia sabida: la vida nun tien arreglu. Conocemos el final del cuentu y dedicámonos a aforrar, a guardar, a naguar polos tiempos meyores ensin saber que son los que tamos viviendo.

Por eso yo nun quiero que naide me cuente´l final, prefiero ver llover y dexame llevar. Y eso ye lo que faigo nestes canciones, lo que fixi siempre. Cantar ensin pensar si suena bien, cantar pa celebrar que sigo cantando y que dalguién me siente, en tolos significaos del verbu «sentir». Gracies por escuchar música anque digan que mañana va haber tormenta. Gracies por sentavos al mio llau pa ver cómo l´orbayu fai de pincel llimpiando lo malo.