Circuito de actividades temáticas Xacobéu 2022

L´actividá percuerre la historia de la música asturiana dende que los y les habitantes d´esta tierra vivíen en cueves hasta´l presente. Y ye que yá hai nicios de cierta actividá «musical» dende esos primeros momentos. La nuestra identidá musical foi creándose adulces a lo llargo de los sieglos, nesti sen, el musicólogu Eduardo Martínez Torner afirmaba qu´Asturies ye´l territoriu que meyor conserva´l recuerdu de lo que foi la llírica primitiva peninsular y que, poro, sería mui probable qu´esi recuerdu llegare tamién a la música popular de los sieglos XII y XIII. Per otru llau, ye a partir del sieglu XV cuando s´afita la conciencia de que los asturianos y asturianes falaben una llingua diferente de los demás pueblos, siendo vistos como una comunidá humana diferenciada cultural y políticamente.

Al traviés de la documenación histórica más variada (tanto civil como eclesiástica) podemos siguir el rastru de la música asturiana; proponemos un viaxe apasionante pola formación, les restricciones, les prohibiciones y la incidencia social de la nuestra música.