¿Cuál ye'l proyectu que más te gusta? ¡Déxanos la to opinión!
La votación popular nun va ser vinculante
Máximu un votu por persona
Entrada gratuita. Retirada d'invitación equí.
FINALISTES 2022
ALGAIRE
Bio
Algaire naz nel añu 2020 como un proyectu de voz y percusión tradicional asturiana. El grupu ta formáu por Iratxe Espina, Carla Miranda y Loreto Suárez (voz y percusión) y Juan Yagüe (guitarres y programaciones). A pesar de la so mocedá, los componentes del grupu tán lligaos a la música y la tradición asturiana desde una edá bien temprana, formando parte y/o collaborando con distintes formaciones del panorama folk d'Asturies como Muyeres, LR, Tejedor o Cerezal, por mentar dalgunes. Ello ye que la finalidá del grupu ye apurrir la so visión de la tradición oral asturiana averándola a otres sonoridaes y estilos más contemporáneos, cola mira d'ofrecer una propuesta artística de calter actual que pueda llegar a tou tipu de públicos.
El repertoriu del grupu ta formáu tanto por temes tradicionales como por composiciones d'autor. Como proyectu basáu en pandereteres y bailladores, otru aspectu fundamental que se tien en cuenta nel trabayu del grupu ye'l baille tradicional, buscando que nos conciertos en directo los temes puedan baillase.
Depués d'una campaña de crowdfunding el grupu entama la grabación del primer discu, tituláu Coral y maera, na seronda del 2021, con collaboraciones ente les que se pueden mentar a Juanjo Díaz (batería), Juan Carlos Vega (baxu), Jose Manuel Tejedor (whistle), David Varela (acordión), Richard García (teclaos), Xosé A. Ambás (voz), Guadi Galego (voz) o Xabier Díaz (voz). Nel apartáu instrumental, persiguiendo la mestura ente tradición y modernidá, úsense na grabación elementos propios del estilu más tradicional, como panderetes, panderos, bouzouki o guitarra acústica, con otros recursos más novedosos o que son menos habituales nesti tipu de formaciones: guitarres eléctriques, programaciones, percusión llatina, pedal steel, dobru, etc.
Depués de la publicación del discu, el grupu fai a lo llargo del añu 2022 una xira de más de 30 feches de presentación tanto dientro como fuera d'Asturies, en territorios como Galicia, Cantabria, País Vascu, Zamora…
D'ente les actuaciones qu'Algaire fexo esti añu, hai que destacar la so participación nel Festival Intercélticu de Lorient, onde amás de participar nos conciertos de la programación del “Pavillon Asturies”, llogren el primer premiu nel “Trophée Loic Raison” de grupos folk, gracies a una puesta n'escena especialmente reforzada pa la ocasión, con dellos de los sos collaboradores habituales: Juanjo Díaz y Juan Carlos Vega a la batería y el baxu, respectivamente, y la pareya de bailladores formada por Ainara Pola y Luis ángel Fernández. La propuesta del grupu gocia de bona acoyida pol públicu y medios especializaos franceses.
Tamién nel 2022, el tema que da títulu al discu, “Coral y Maera”, sal escoyíu como candidatu al Premiu Camaretá 2022 al Meyor Cantar. Trátase d'un cantar d'amor de composición propia nel que'l grupu presenta un arreglu musical que se desmarca un plizcu de la tendencia estilística del discu, por ser más cenciellu, sobriu y con menos instrumentación, buscando da-y más protagonismu a la lletra.
Anguaño, el grupu ta volcáu na xira de presentación del primer discu al tiempu qu'empieza a trabayar en composiciones y proyectos nuevos que van ver la lluz nel 2023.
Cantar
Coral y maera
Lletra: Luis Ángel Fernández Santos
Taba yo tomando algo,
vi pasar un anxelín,
tuvi que chisca-y un güeyu
nun me pudi arresistir.
Tengo de baltiar un árbol
y voi facete un arcón,
y voi a meter en dientro
envueltu’l mio corazón.
Tengo de baltiar un árbol
y voi facete un arcón,
y voi a meter en dientro
el secretu del mio amor.
El sol y la lluna, neñu,
yá nun tienen qué facer,
los tos güeyos, vida mía,
anubren l’alborecer.
Tengo de baltiar un árbol
y voi facete un arcón,
y voi a meter en dientro
envueltu’l mio corazón.
Tengo de baltiar un árbol
y voi facete un arcón,
y voi a meter en dientro
el secretu del mio amor.
Esta nueche esconsoné
y nun me podía durmir
namás quería tar contigo
y tu nun tabes ellí.
Tengo de baltiar un árbol
y voi facete un arcón,
y voi a meter en dientro
envueltu’l mio corazón.
Tengo de baltiar un árbol
y voi facete un arcón,
y voi a meter en dientro
el secretu del mio amor.
MOSTRU L'HORRU
Bio
Mostru l'Horru ye un dúu de rap en llingua asturiana. La so conformanza como grupu ye a últimos del 2021, anque'l proyectu yá se venía xestando dende un añu primero. Francisco Méndez 'El Mostru' ye'l lletrista y MC mentes que Yannick Gutierrez 'Zeros' ocúpase de la producción musical y del acompañamientu en directo como corista y instrumentista.
L'ambición principal de Mostru l'Horru ye volver poner l'asturianu nel mapa de la música urbana n'Asturies y llegar a la xente más mozo pa, d'esta manera, contribuyir col espardimientu de la llingua. Dientro del xéneru asítiense musicalmente na fusión con dellos estilos (rock, country, electrónica, blues folk, etc.), porque la variedá de soníos ye parte del so ADN musical. Tocante a les lletres, atopamos tamién una fusión ente'l calter políticu de les mesmes y la perspectiva personal del autor que convida a recordar, a cavilgar y a repensar cuestiones rellacionaes col nuestru pasáu pero tamién col nuestru futuru.
El so primer discu, Señales de fumu, asoleyáu'l 30 de setiembre d'esti añu, inclúi'l single 'Fíu d'un pueblu', cantar nomináu a esti XIV Premiu 'Camaretá' al Meyor Cantar. Amás, na so trayectoria tovía curtia foron reconocíos tamién como finalistes del concursu musical televisivu FestiAMAS nel so décimu aniversariu. Too ello fai pensar que'l so camín recién entama y entá-yos queda munchu percorríu nel que van siguir buscando anovar y sorprender col so estilu tan llamativu.
Cantar
Fíu d'un pueblu
Lletra: Francisco Méndez Fernández
Soi fíu d'un pueblu. Un pueblu presu d'un suañu.
Yá nun mos queda más fueu. Embaxo'l pechu vive un estrañu.
L'estrañu vive con miéu. Nun apara de facer dañu.
Mira pa dientro si quies velu. Mira pa fuera si quies sacalu.
Techu nun teo y nun quiero tenelu.
Refugo del plásticu, soi básicu.
Ta percomplicao lo de moyase nesti océanu.
Voi pel ríu Estigia pero güei hai tráficu.
Oxalá nun ser tan roceanu,
Escaecer a la xente y los raigaños faime dañu.
Otru cabudañu. Otres flores.
Que nun valen cuando quies pedir a les persones.
Soi un felpeyu, un cachu cuchu.
Soi el noxu que me da cayer pel embudu.
Qu'esti sistema nun me quier puru, de xuru.
Pero nun me va topar mudu.
Porque nun paré de caleyar entá, y máncame'l calcañu.
Equí yá nun abre la puerta nin el amu.
Vaya camín más duru. Pa encima fai cutu
Y voi xustu, y…
Toi quedando talludu nes puertes del cielu.
Llimpiando les botes en felpudu pa entrar y llevar una patada.
¡Dende llueu! ñací nesti sitiu pa caltenelu
Y que me garre en cuello cuando toque'l suelu.
Soi fíu d'un pueblu. Un pueblu presu d'un suañu.
Yá nun mos queda más fueu. Embaxo'l pechu vive un estrañu.
L'estrañu vive con miéu. Nun apara de facer dañu.
Mira pa dientro si quies velu. Mira pa fuera si quies sacalu.
DIXEBRA
Bio
Un 6 de xineru de 1987 ensayaben pela primer vez los componentes de la banda de rock DIXEBRA, naquel momentu nacía una de les formaciones más importantes y influyentes del panorama musical asturianu. Los oxetivos colos que nacía taben claros: facer un rock comprometíu con Asturies, mesmo nes lletres como na so actitú como grupu.
Nos sos testos reflexen como naide la variada y complexa realidá de la sociedá asturiana, inspirándose en socesos o fechos de la so historia recién. Nesti sen,nes sos lletres hai bien de referencies a la vida política, cultural y sociald'Asturies, ensin escaecer tampoco otres cuestiones y asuntos d'interés xeneralque pueden llegar a cualquier oyente seya cual seya'l so orixe.
Otra de les sos premises principales ye la utilización de la llingua asturiana,pero procurando qu'esto nun interfiera na comprensión del so mensaxe,intentando que l'asturianu emplegáu seya asequible a toos y nun suene forciáu.
El tercer factor que define a esta banda ye la incorporación na soinstrumentación de la gaita (acústica y midi) y la inclusión de melodíes populares o tradicionales na so música, too ello sobre un rock potente conmúltiples influyencies: ska, punk, reggae, folk, rap…Podemos definir el estilu DIXEBRA como un soníu fuerte con un ampliu mestizaxe musical, influyenciáu pola música tradicional y con testos comprometíos en llingua asturiana.
En toos estos años de vida dieron bien de conciertos per toa Asturies y fuera d'ella (Galicia, País Valencianu, Cantabria, Euskadi, Madrid, Aragón, Cataluña,Mallorca, Ibiza, Bretaña, Occitania, Valonia, Laponia…); y tamién per festivales como'l Intercélticu de Lorient (Bretaña), el Liet-Lavlut (dedicáu a los idiomes minorizaos d'Europa) y otros como Derrame Rock,Vilarock, Baiturock, Aupa Lumbreiras, Magosta, etc.
Hasta'l momentu tienen publicaos dieciseis discos: Grieska (1990), ¿Asturies otrabayes? (1993), Apúntate a la llista (1995), Dieron en duru (1997), Glaya unpaís (2000), Sube la marea (2002), Cróniques d'un pueblu (2003) –llibrudiscu-, Ensin novedá (2005), Dixebra n'acción (2006) –en directo-, Amorincendiariu (2009), Bailla la crisis -EP- (2011), Dixebra XXV. 1987-2012 (2012)–recopilatorio-, Tiempos modernos (2013), Dalgo nuevo, dalgo vieyo, dalgoemprestao -EP- (2017), Dixebra XXX -en directo- (2018) y Ente la niebla(2022) –llibru-discu-.
Al traviés d'ellos podemos observar la progresiva evolución dende un soníu simple y rudu a otro muncho más complexu y con infinidá de matices. Destaquen nes sos grabaciones la cantidá de collaboraciones de músicos provenientes d'estilos estremaos, ente ellos Fermín Muguruza o Evaristo Páramo cantando dambos n'asturianu, amás de bien d'instrumentistes y cantantes asturianos.
Nos sos testos nótasea cierta evolución hacia un tonu más lliterariu: cuenten histories con nome y apellíos que nos falen de lo local y lo global, pero con espaciu tamién pa los sentimientos (de frustración, rebeldía, resignación…).Les sos canciones describen situaciones, pero nun queden simplemente neso, sinón que se posicionen combativamente ante elles, faciendo reflexonar y llamando a l'acción.
La heteroxeneidá y bayura d'estilos que caracteriza a la música de DIXEBRA ta presente en tolos sos discos, onde sobre una base de rock compactu y contundente van añadiendo otros ritmos y sonoridaes, con toques punk, folk ,reggae, ska, funk, rap, electrónica… pero con una coherencia na so propuestamusical que la fai creyible.
Anguaño los componentes de Dixebra son Xune Elipe (voz), Primi Abella (guitarra), Rubén álvarez (guitarra), Javi Rodríguez (baxu), Llorián García (gaita), Sergio álvarez (batería), Eladio Díaz (saxo) y Agus Lara (trompeta).
Cantar
Como'l mar
Lletra: Primitivo Abella
Mariyina llee,
Mariyina llora,
cuando naide la ve,
cuando queda sola.
¿Quién semará les flores?
¿Quién te dará calor?
¿Quién abrirá la puerta
del to corazón?
Mariyina llee,
Mariyina llora,
cuando naide la ve,
cuando queda sola.
L'azul de los tos güeyos,
el cielu d'una braña.
Azul qu'escureció,
perdida la esperanza.
Mariyina llee,
Mariyina llora,
cuando naide la ve,
cuando queda sola.
¿Qué foi d'aquellos besos?
¿Qué foi del to amor
que coló nun barcu
y nunca volvió?
Mariyina llee,
Mariyina llora,
les cartes que mandó
que guarda y atropa.
L'azul de los tos güeyos,
el cielu d'una braña.
Azul qu'escureció,
perdida la esperanza.
Azul como'l mar
como'l mar que nun visti.
Azul como'l mar,
como'l mar que nun visti.
XII Premiu Camaretá al Meyor Cantar 2021
Carla Armas
Rubén García y Carla Armas son dos compositores con una carrera mui notable llarada de premios y llogros.
Rubén García, nacíu en Zamora, estudió’l Títulu Superior de Música na especialidá de Composición, nel Conservatoriu de Castiella y Llión, en Salamanca. Les sos obres interpretáronse en diferentes países de tol mundu, y algamó dellos premios de composición en concursos internacionales n’España y tamién n’otros países como Italia o Xapón. Amás, como poeta tamién tien publicaos poemes n’asturllionés occidental, variedá llingüística na que ta escrita la lletra del cantar col que participen nesti premiu.
La xixonesa Carla Armas, tamién compositora, lleva casi ocho años al frente del so negociu propiu, componiendo, interpretando y produciendo música pa documentales, publicidá y audiovisuales en xeneral, amás d’ofrecer un serviciu bien simpáticu: componer canciones pop/rock personalizaes por encargu pa celebraciones y regalos únicos.
Siéntilos en http://carlaarmas.com/
RELACIÓN DE GANADORES DEL PREMIU AL MEYOR CANTAR