La ilesia de San Antolín de Beón acueye la cuarta temporada de visites guiaes que van tener llugar los vienres de xunetu a setiembre.

El Monesteriu de San Antolín de Beón apaez yá mentáu en documentos del s. XIII. Asítiase na desembocadura d’El Ríu Beón, na playa de San Antolín. La construcción que se caltién ye la ilesia d’estilu románicu qu’entamó a edificase a primeros del S. XIII. Cunta con trés naves y cabecera con trés ábsides semicirculares. La so fundación ta envuelta en lleendes y atribúyese al Conde Muñazán. Perteneció a la orde Benedictina y abandonóse como templu depués de la desamortización de la ilesia.