Circuitu d´actividaes musicales

Güelita María, la cocina y una grabaora. Un poco cantas, un poco tizas.  La grabación d´esa sesión na cocina güelita María ye la base sobre la que se compón esti trabayu.

El repertoriu naz na Maramoniz, el pueblu de güelita María, y estiéndese a los cantares grabaos n´otres cocines d´otres güeles del conceyu L.lena, recoyíes por Xosé Antón "Ambás" y Ramsés Ilesies. Tamién hai sitiu pa tres cantares de composición actual, inspiraes na tradición asturiana y castellana.

César Latorre y Mapi Quintana enriedan col llinguaxe de la so formación jazzística y clásica pa construyir esti repertoriu. Hai voz, pero nun hai pandereta, nin castañueles, nin gaita y tambor... Hai pianu y otros instrumentos de tecla singulares. Caltienen el preciosismu de lo antiguo y vístenlo de nuevo.

Y sigue siendo música tradicional.