Circuito d’actividades temáticas Xacobeo 2022

Dientro d´un conceptu qu´axunta lo clásico y lo moderno, Alfredo González escoyó dellos de los sos cantares más conocíos que van estableciendo conexones ente ellos. Una cita mui especial onde´l cantautor turonés va defender les sos meyores canciones sentáu nun pianu de cola, acompañáu tol tiempu por un tríu de cuerdes (chelu, viola y violín), por Silvia Quesada a los coros y Rubén Bada a les guitarres. A ellos van dir xuntándose músicos collaboradores procedentes de dellos sitios españoles enraigonaos directamente en localizaciones del Camín de Santiago. Ún de los meyores espectáculos musicales de los últimos años, lleváu a cabu n´Asturies y por músicos asturianos.