La Flauta Mágica
Uviéu, 08/10/2021 19:30
Artes Escéniques
Díes: 8, 10, 12, 14, 15 y 16 d’ochobre de 2021
Temática: ópera bufa
Dirixío pa: tolos públicos
Duración: 180 minutos
Preciu: entre 10 y 178 €. El tope puestu por usuariu y compra ye de dos localidaes xuntes. Pa comprar una cantidá distinta, por favor contacte con nosotros nel 985 211 705.
La Flauta Máxica de W. A. Mozart, una de les grandes obres de la historia de la música, empondera valores como la discreción, l´amistá y la prudencia, combinando de forma perfecta elementos bufos, serios y populares. Los personaxes d´esti llibretu de cuentu son dos pareyes de mozos qu’entamen un viaxe iniciáticu enllenu de dificultaes. Al final d´esta aventura la lluz va trunfar sobre les tiniebles y la maldá, imponiéndose la xusticia y la sabiduría. Pa munchos estudiosos esta obra escuende un mensaxe francmasón, iluminista, esotéricu o políticu ocultu.
Nel repartu rescamplen artistes como María Rey-Joly, Manel Esteve, Airam Hernández y Jaquelina Livieri. El maestru Lucas Macías debuta na nuestra temporada al frente de Oviedo Filarmonía y Albert Estany va tar a cargo de la dirección escénica nuna nueva producción de la Ópera d´Uviéu.