La Flauta Máxica de W. A. Mozart, una de les grandes obres de la historia de la música, empondera valores como la discreción, l´amistá y la prudencia, combinando de forma perfecta elementos bufos, serios y populares. Los personaxes d´esti llibretu de cuentu son dos pareyes de mozos qu’entamen un viaxe iniciáticu enllenu de dificultaes. Al final d´esta aventura la lluz va trunfar sobre les tiniebles y la maldá, imponiéndose la xusticia y la sabiduría. Pa munchos estudiosos esta obra escuende un mensaxe francmasón, iluminista, esotéricu o políticu ocultu.

Nel repartu rescamplen artistes como María Rey-Joly, Manel Esteve, Airam Hernández y Jaquelina Livieri. El maestru Lucas Macías debuta na nuestra temporada al frente de Oviedo Filarmonía y Albert Estany va tar a cargo de la dirección escénica nuna nueva producción de la Ópera d´Uviéu.