Esta ye la historia d´un amigu. Un actor, pa ser más concretu. Un actor que trabayó en dalgunes obres de teatru y en dalgunes películes de sonadía Ocho apellidos vascos o El niño, ente otres.

Conque, ¿va sonate la cara? Nun me paez. Siempre salió neses pelis que vieron millones y millones de persones mui de refilón, diciendo o nun diciendo un par de frases o trés. Pero nun penséis qu’él taba descontentu cola so suerte. Non, de nenguna manera: la vida, a poco que salga bien, ye maraviyosa… Pero un día too se tuerce. La vida. Pása y a muncha xente. Ye más: más pronto o más tarde, va pasanos a toos. A mi, a ti, al to vecín del quintu, a Mariquita la de la frutería, al to amigu... ¿Y entós?

Escribí esta obra porque, cuando Abel me cuntó tolo que y pasó, dixi pa mi: esta ye una historia que paga la pena cuntar. Y tamién pensé: ¿Quién meyor qu´él pa cuntala? La odisea qu´Abel nos cunta y nos canta con acentu del sur vien a recordanos quién somos y, sobre manera, por qué tamos vivos.