Dirección: Lars Edman y William Johansson

Añu: 2020

Duración: 95 minutos

Idioma: V.O. n´español, sueco y inglés subtitulada n´español y catalán.

Ficha completa del documental

Una historia d´investigación impactante sobre´l vertíu illegal de residuos tóxicos na ciudá chilena d´Arica. Bebés con malformaciones, cánceres, albuertos non queríos... les consecuencies fueron tarrecibles pa los habitantes d´Arica, pero naide quier asumir responsabilidaes. Boliden, la multinacional sueca responsable de los fechos, escondió mientres décades el desastre. Lars Edman, un xoven suecu d´orixe chilenu, interesóse pol casu nel 2009 y la so investigación, xunto con William Johannson, va acabar llevando la poderosa empresa a los tribunales.

La empresa minera tien recursos abondos pa llimpiar la so reputación, pero l´escándalu d´Arica esixe un arreglu más completu qu´una campaña de marketing. ¿El gobiernu suecu pue desabrise de les demandes de les víctimes del vertíu? La realidá ye innegable, pero´l poder ye capaz de too para evitar asumir los costos d´indemnizaciones millonaries.