Proyectu patrocinadu por: fundación EDP

We are family!, ¡Somos familia! ye una esposición colectiva, conformada por siete ensayos visuales, que nos dexen esplorar cómo son los Otros. La muestra quier tamién rindir homenaxe a una de les esposiciones con más exitu de la historia de la fotografía, The Family of Man, actualizando los presupuestos nos qu´aquella s´articulaba. Lo mesmo que na mítica esposición del MoMA, vamos poder viaxar a dellos llugares del mundu y contemplar cómo ye la vida cotidiana en contestos tan diversos como´l desiertu de California, les estepes ruses, los montes de Caxmir, na India, o una ciudá pequeña a la vera la mar Caribe que foi l´escenariu de delles de les histories más guapes de la lliteratura del sieglu XX; pero tamién enfrentanos a situaciones qu´asoceden bien cerca de nós y ser testigos de les vicisitúes de la xente mozo demandante d´asilu, los migrantes africanos o les persones autistes.