Restolando de David Varela

Navia, 17/06/2022 19:00

Cultura Tradicional

Circuitu d´actividaes de cultura tradicional asturiana

Restolando de David Varela
Navia

Temática: cultura tradicional pa neños

Dirixío a: públicu infantil familiar (aconseyáu de 8 a 10 años)

Duración: 60 minutos

Casa la Cultura de Puerto de Vega

33790 Puerto de Vega - Navia

T: 985 631 642

Más información

Panderos y panderetes, carraques y matraques, castañueles y pitos, tarrañueles, tambores y bombu, esquiles, botella, morteru, cuyares y cazos, lata, bandurria, zanfona, guitarra, vigulín, bouzouki, cordión, bígares, cuernos y turulles, xiblates, gaites… una bayura d’instrumentos apaecen pela escena, en cuantes el músicu David Varela se pon a restolar na so maleta.

Partiendo del conocimientu fondu de les sonoridaes populares y los sos instrumentos, esti vieyu perconocíu nos escenarios del país, con cuasi cuatro décades de profesión y avezáu nel terrén pedagóxico cola reciella, fai que too suene.

Cuentos, cantares y poemes xunto a melodíes populares d’usu y llabor na tradición asturiana, son la base pa construyir un repertoriu músico-vocal, modernu y empobináu sobre manera pal públicu infantil.

Cantares-xuegu, estribillos revolvinos y sones llambiones, pa tola familia.