Herencias. Patrimonio Arqueológico de Xixón

Xixón, 17/03/2022 11:30

Artes Visuales

Herencias. Patrimonio Arqueológico de Xixón
Xixón

Del 17 de marzu al 27 de mayu de 2022

Horariu de visita: de llunes a vienres de 17:30 a 20:30 h. Sábados de 12:00 a 14:00 y 17:30 a 20:30 h. Domingos de 12:00 a 14:00 h.

Visites comentaes a la esposición tolos sábados a les 19.00 h.  Entrada llibre, hasta enllenar aforu.

Centru de Cultura Antiguu Institutu

33201 Gijón / Xixón

T: 985 181 001

Más información

El patrimoniu arqueolóxicu ye una herencia colectiva que ye quién a cohesionar les sociedaes humanes. Failo de distintes maneres: interactuando dende la proximidá cola comunidá, que lu percibe de manera cambiante al traviés del tiempu; xenerando un rellatu históricu qu’esplica’l so pasáu y ayuda a comprender el so presente y en definitiva, ayudando a xenerar una identidá común.

El casu de Xixón ye un exemplu bárbaru de cómo la investigación planificada y la inversión pública sostenida en conocimientu, conservación y divulgación del patrimoniu arqueolóxicu local foi quién a variar la percepción ciudadana d’esa herencia. Compruébase cómo influye nel imaxinariu colectivu y se convierte nun instrumentu de xeneración d’identidá eficaz. Nesti procesu, el papel de los Museos Arqueolóxicos dende la so inauguración en 1995, resultó fundamental.

Na esposición, que pue vese na Sala 2 del Centru de Cultura Antiguu Institutu, preséntase’l patrimoniu arqueolóxicu xixonés al traviés de trés exes principales: la historia de la investigación arqueolóxica en Xixón, la historia de Xixón al traviés de l’arqueoloxía y la percepción que sobre esta historia tien la ciudadanía. Falamos asina de la herencia útil, la herencia percibida y la herencia identitaria.
Alredor de la esposición va desenvolvese un programa d’actividaes de mena divulgativa con visites guiaes, talleres, conferencies, etc.