Sesión especial Rosa Brines
Xixón, 11/12/2022 19:00
Cine
Proyección de los documentales La amarga derrota de la República y Los ángeles caídos
Preciu: 4€; Reducíu: 3€ pa socios del Club Cultura Asturies, Pasaporte Cultural, comunidá Uniovi y Carnet Mozu Asturies
Venta d´entraes: Llaboral Ciudá de la Cultura, Centru Niemeyer, CITPA, 952 076 262 y Unientradas.es
Sesión especial onde se proyecten dos trabayos de la periodista valenciana Rosa Brines alredor de la memoria histórica, en concreto, los documentales La amarga derrota de la República y Los ángeles caídos, dambos producíos por Félix Vidal.
La amarga derrota de la República
Dirección: Rosa Brines
Añu: 2020
Duración: 43 min
Llingua: español
Col filu conductor del rellatu estraordinariu de Patricio Azcárate, fíu del últimu embaxador de la República en Londres, la periodista valenciana Rosa Brines presenta’l documental La amarga derrota de la República, onde s’adientra na batalla decisiva del Ebru y narra cómo se vivió dende’l frente de batalla l’abandonu internacional a la II República, la participación solidaria de les brigaes internacionales y el papel difícil que tuvo que facer Juan Negrín, últimu presidente del Gobiernu, en mediu d’una República que se desangraba tamién per dientro.
Una producción de l’Asociación Amigos de la Fundación Juan Negrín. Cola participación de Carmen Negrín y los historiadores Ángel Viñas, José Ramón Valero y Jorge Ramos.
Los ángeles caídos
Dirección: Rosa Brines
Añu: 2020
Duración: 40 min
Llingua: español
El documental esplora’l desenvolvimientu de la psiquiatría nel franquismu, convertida en pseudociencia gracies al llabor escomanáu del psiquiatra castrense y filonazi del réxime Antonio Vallejo Nájera (1889-1960), conocíu tamién como “el Mengele español”. Esta corriente de pensamientu, que consideró cualquier forma de disidencia política como una tara mental, constituyó ún de los brazos armaos del franquismu pa llexitimase nel poder.
