Ilustres ignorantes ye un debate a delles bandes dedicáu a illuminar les rames del conocimientu más diverses.

Javier Coronas, Javier Cansado y Pepe Colubi, los CCC de la metafísica d’andar per casa, cola ayuda inestimable de dalgún amigu notable, entamen discutinios deliriantes, perturbaos, sorprendentes y mui entreteníos sobre asuntos de toles menes: llamativos, inventos, naturaleza, suaños, metafísicos, amor, muerte, futuru, culturales, cine, viaxes, superhéroes o sexuales, follar, chupar y eses coses.

Coronas lleva’l discutiniu con mano de fierro y xazminos nel pelo mentes Cansado, Colubi y el so convidáu de turnu ufierten respuestes que bancien ente’l rigor científicu y el desconocimientu más ablucante; por eso cada Ilustres Ignorantes ye distintu, imprevisible y irrepetible. El que ri ilustre, ri meyor.