Programa La Cinemateca Ambulante de Llaboral Cinemateca

CONTRACAMPOS

Dirección: Ramón Lluis Bande

Añu: 2022

Duración: 27 min

Llingua: ensin diálogos, rótulos n’asturianu

Ficha completa de la película

Contracampos ye l’intentu de (re)construyir un paisaxe. Un área recreativa y un campu de tiru a la vera’l mar Cantábricu, qu’ente 1937 y 1943 albergaron un campu de concentración del franquismu pel que pasaron miles de republicanos –milicianos primero, guerrilleros y los sos familiares más tarde–. Compartiendo col espectador una observación pausada, la película pretende resignificar esi espaciu, devolviéndo-y so significáu políticu. Pero nun se trata de mostrar –de filmar– lo invisible, sinón de facer ver no que existe güei eso que falta. Lo que tuvo y yá nun ta, nin siquier nel recuerdu de la xente.

Festival Internacional de Cine de Xixón 2022.

HILOS

Dirección: Tito Montero

Añu: 2022

Duración: 83 min

Llingua: español, asturianu

Ficha completa de la película

Mentes el primer branu de la pandemia, Tito Montero llevó na mano una cámara recién comprada. Foi la primer ocasión na que dalguién grabó a la so familia. Ocho décades enantes, el 1 d’agostu de 1937, Felipe García Moro morrió na Batalla del Cimeru. Nun existen imáxenes d’él. La xeneración del primer archivu audiovisual familiar coincidió cola búsca de dalgún rastru de la vida del güelu que, hasta entós, nunca existió. ¿Influye la condición de clas na memoria? ¿A qué tipu de persones pue borrase de la Historia?

Festival Internacional de Cine de Xixón 2022.

La programación cinematográfica ufiertada por La Cinemateca Ambulante ta coordinada pol Festival Internacional de Cine de Gijón / Xixón (Divertia Gijón SA)