Depués d´estrenase na Discovery Series del Miami International Piano Festival nel 2003, Misha Dacić convirtióse nun artista mui reclamáu que namoró les audiencies de dalgunos de los festivales estadounidenses de más sonadía, como´l Ravinia´s Rising Stars Series y el Gilmore Keyboard Festival, participando davezu n’escenarios de Nueva York, Cincinnati, Los Ánxeles, San Franciscu, Princeton y Minneapolis, ente otros. El virtuosismu, la espontaneidá y un averamientu únicu a les partitures caractericen el so pianismu d´una convicción escomanada y gran inmediatez comunicativa.