Circuitu d’artes escéniques

Un espectáculu multidisciplinar enfocáu a visibilizar a les grandes maestres de la historia del arte al traviés d’un formatu orixinal que xunta divulgación, teatru, pintura en vivo y música en directo.

Cuatro grandes artistes del pasáu garren vida énte los tos güeyos y cúntente, de primer mano, cuál foi’l so papel na historia. Averámonos al rellatu históricu artísticu tradicional y reflexonamos sobre qué clas de muyeres apaecen nesti. ¿Son muyeres reales y diverses? Eva, María, Penélope, Venus... fálennos de muyeres bones o males, blancos y negros, d’histories ensin matices. Muyeres ideales, estereotipos mui apartaos d’un rellatu diversu y basáu en fontes fidedignes.

Pintoras da voz y vida a muyeres reales, como Sofonisba Anguissola, Artemisia Gentilleschi, Berthe Morisot o Maruja Mallo. La historia pintémosla ente toos y toes y, por eso, ye tiempu de dar a les pintores el protagonismu que merecen.