El taller de maridaxe cultural propón un alcuentru alredor d’escritores de delles procedencies y momentos históricos, cola llectura d’estractos de los sos testos maridada con una proyección d’imáxenes, música en directo y mesa redonda.

En palabres del escritor Alejandro Jodorowsky, “onde meyor canta un páxaru ye nel so árbol xenealóxicu”. Entendemos asina que la comprensión de los testos ye muncho más completa si conocemos el so árbol, el so contestu. Cuándo nació, ónde, con quién o qué taba pasando... D’esta manera, averámonos al autor, a les sos referencies, a les sos inspiraciones y al so día a día pa volver lleer el llibru o’l versu dende una perspectiva más completa.