Circuitu d’artes escéniques

Nuna estación de metro dos desconocíos empiecen una conversación que se vuelve más enrevesada de la que va avanzando la obra. Los personaxes piensen qu’empiecen a conocese, pero les sos vides conviértense nun misteriu qu’han resolver.

Avezaos a la inercia de lo cotidiano, malpenes somos quién a apreciar la singularidá de cada momentu. Cuando esto pasa, el camín que pueden garrar los acontecimientos vuélvese imprevisible.

Un día afogadizu, nel andén d’una llinia de metro cualquiera, pue pasar que nun nos alcordemos de xubir al tren.

La obra muévese ente les lluces y les solombres, realidá y fantasía, ente lo estraordinario y lo cotidiano, enllena d’intriga, suspense, desconciertu y, sobre manera, humor.

La puesta n’escena, como’l conteníu de la obra, ta distorsionada, esaxerada y colorida por demás, como si tuviéremos viendo un comic.