María Luisa ye una señora entrada n´años que vive sola, independiente, y que gocia de la vida. Una conversación casual col porteru de la casa ye´l detonante pa una socesión d´escenes que, con munchu humor y un tonu entrañable, déxennos descubrir de cerca´l mundu d´esta señora tan peculiar. El so pisu, los sos desplazamientos en tresporte públicu pela ciudá, les vueltes que dá énte la puerta d´un salón de baille, les conversaciones telefóniques cola so amiga Angelines…

Con esta obra, Juan Mayorga preséntanos una comedia sobre la soledá, sobre la vieyera, y sobre les fronteres borroses ente la realidá y la imaxinación.