A tu lado ye un testimoniu únicu d´un grupu que vivió y cambió la historia de la música pop d´esti país y qu´agora quieren compartir col públicu.

Nesti A tu lado, los componentes del grupu narren en primer persona la historia de Los Secretos, repasando la so trayectoria y les circunstancies que los convirtieron nun grupu míticu ensin el que ye imposible entender el panorama musical español de los 45 años últimos.

Nel apartáu musical, la banda sonora ta compuesta polos temes más emblemáticos, arriqueciendo de manera maxistral esta historia apasionante. Amás, pela primer vez, temes como Déjame, La calle del olvido, Ojos de gata, Por el bulevar de los sueños rotos o Pero a tu lado son un vehículu narrativu que non solo ilustra musicalmente la obra, sinón que-y da un calter dramáticu. Descubrimos cómo esos cantares se creen y cómo caún d´ellos forma parte de la vida de los miembros de Los Secretos y de los sos siguidores.

Nuna nueche única, somos testigos finalmente del nacimientu, el final y el renacer d´ún de los grupos más importantes de la música española al traviés d´unos cantares que non solo formen parte de la historia del grupu, sinón tamién de la de delles xeneraciones.