Aventuras mágicas. Tú eres el autor de la historia de Susana María Sela
Mieres, 07/05/2024 17:30
Lliteratura
Circuitu de lliteratura
Temática: taller interactivu de narración oral
Dirixíu a: públicu familiar
Duración: 60 minutos
Taller interactivu de narración oral, onde los neños y neñes son los protagonistes. Vamos embarcanos xuntos nuna aventura única, onde cada determín que tomen influye nel desenvolvimientu de la narración. Por eso, el camín que se va siguir pertenez dafechu a los participantes.
Figúrate qu’apaeces en mediu d’un mundu enllenu de misteriu, maxa y sorpreses. En cada pasu del camín, vas encarate a desafíos, vas conocer personaxes perinteresantes, vas tomar determinos clave y vas vivir les consecuencies de les tos elecciones.
¿Tas preparáu o preparada pa somorguiate nun mundu de fantasía, tomar determinos valientes y dibuxar el to destín propiu? Entós, ven con nosotros a esta aventura prestosa y vivi una esperiencia inolvidable, enllena de maxa y diversión. ¡Too depende de lo que tu decidas!