Pola mor de la celebración del Antroxu, Espacio el Xiblu: Laboratorio cultural rural del Conceyu de Teberga, entama’l Taller de Creación de Títeres cola compañía de teatru Tragaluz.

Dirixíu a públicu familiar, l’oxetivu del taller ye deprender a construyir títeres de manera cenciella y con material reciclable. Cuntar histories con títeres pue ayudar a ameyorar la nuestra dicción, espresar les nuestres emociones y ameyorar la coordinación motora.

La compañía de teatru Tragaluz naz en 1988 cola mira d’indagar en formes nueves d’espresión teatral con títeres y poder cuntar histories que nos dexen suañar, imaxinar y reflexonar mundos posibles.

Esta actividá ta financiada pol Ministeriu de Transición Ecolóxica y Retu Demográficu.