D´itinerarios pel Patrimoniu: Valle del Nalón
27/04/2024 09:30
Museos y Equipamientos
Fecha: 27 d´abril 2024
Horariu de salida: 9:30 h. Llegada calculada: 18:30 h.
Puntu d’alcuentru: Cai Mendizábal, énte’l Teatru Filarmónica d´Uviéu.
Recomendaciones: calzáu zarrao o bota de monte, ropa cómodo, cayáu, agua, crema solar y picnic pa xinta.
Preciu: 20 €. Públicu infantil entre 4 y 11 años, grupos de más de 10 persones, Pasaporte Cultural y Club Cultura Asturies: 18 €.
Una xornada dedicada al Patrimoniu Industrial mineru y siderúrxicu asturianu, empezando en Samartín del Rei Aurelio pa conocer el Muséu de la Minería y de la Industria (MUMI), en L’Entregu; el so espaciu más espectacular ye la mina-imaxe, onde se reproduz l’interior d’una esplotación con munchu realismu. En La Felguera vamos visitar el Muséu de la Siderurxa (MUSI), allugáu no que yera una torre de refrixeración de la fábrica siderúrxica de Duro Felguera, con más de 45 metros d’altor. Vamos almorzar en Sama, onde hubo una actividá estractiva de carbón significativa con pozos como El Fondón y Modesta.