Una historia sobre l’enfrentamientu ente la pasión escomanada de los deseos y del amor frente a les cadenes de la moral social provinciana y la traición. Ambientada na ciudá de Vetusta, La Rexenta, publicada en 1884, ye una de les grandes noveles de la lliteratura española del sieglu XIX y una de les más importantes de la historia, según munchos críticos.

Trátase d’una obra naturalista que retrata con durez l’ambiente d’una ciudá de provincies dominada por una clase alta ociosa y un cleru qu’impón una moral hipócrita y afogadiza. Ana Ozores ye la protagonista, una moza nueva y guapa que casa con don Víctor Quintanar, que foi rexente de l’Audiencia de Vetusta, muncho más vieyu qu’ella, egoísta, y que vive en cierta manera nun mundu que nun tien nada que ver cola realidá.
Ana siéntese agobiada nel so matrimoniu y, por cuenta de la so frustración, vese atrapada por don Álvaro, el donxuán de la ciudá, y pol so propiu confesor, don Fermín de Pas, que nagua por convertila na so muyer.