Miembru del Área de Restauración del Muséu Nacional del Prado dende l’añu 1985, especializada nes técniques y restauración de la pintura española del S. XVII o Sieglu d’Oru. Restauración del patrimoniu artísticu de la Casa d’América (Palaciu de Linares, Premiu Europa Nostra) y la so publicación Casa de América, Rehabilitación del Palacio de Linares (obra pictórica, mural, tejidos, bronce, piedra, mobiliario...).

Una obra d’arte tien dos cares: la matérica y la histórico-artística. Pa entendela a fondu ye menester desenvolver dos víes d’estudiu en paralelo: el material y l’históricu.
Cualquier modificación puntual sobre la cadena de pasos que completa’l procesu creativu afecta a tol conxuntu. Davezu les intervenciones posteriores a la so execución son factores de desgaste muncho más determinantes que’l propiu avieyamientu natural de la materia.
Juan Carreño de Miranda ye artista mui relevante na corte madrilana del S. XVII, y mui estudiáu por historiadores y técnicos. Nesta presentación espónse, al traviés de los análisis y restauraciones realizaos nel Muséu del Prado, el desenvolvimientu de la técnica y l’estilu del autor, la incidencia de los cambeos o manipulaciones sobre la entidá de la obra, y la importancia de conocer a fondu tol entornu técnico-históricu pa dar col tratamientu más afayadizu en cada casu.