Proyecto de Manel Esclusa

Ye ún de los fotógrafos españoles de trayectoria más importante, a caballu ente los dos sieglos. Una trayectoria d´esperimentación constante, como una necesidá vital. El so grau de coherencia, la variedá nes sos temátiques, y tamién la so esperiencia nel campu profesional de la fotografía, faen d´él un personaxe únicu ente los sos colegues de xeneración. El so trabayu ye bonu d’identificar, y inimitable, tamién nel contestu internacional. El públicu xeneral va descubrir un poeta de la lluz qu´afonda nel problema de la existencia al traviés d´imáxenes cargaes de referentes contemporáneos: la ciudá de nueche y los sos emblemes del consumu, les pruebes médiques como indagación nel cuerpu, ciertu nihilismu que cuestiona la condición del ciudadanu contemporaneu y otres munches interpretaciones que surden llibres al observar el so trabayu.

El proyectu Manel Esclusa / Luz que se esconde ye una selección de la obra fotográfica tan escomanada d´esti autor, cola inclusión de les series contemporánees inédites, cola mira de mostrar la so busca formal nun constante poner a prueba la capacidá de la fotografía pa facer nacer lo visible dende la escuridá.