Circuitu Autores nel camín 2024

Saltantes Teatro recibió nel 2023 el Premiu Nel Amaro de Teatru Profesional en llingua asturiana y eonaviegu cola obra El Gorrumbu.

Saltantes Teatro naz nel añu 2013. El primer proyectu que la compañía pon en pie con Luis Alija y Nerea Vázquez, ye Pareja abierta. Ente les sos creaciones atópense Hipster, oda de un friki, ¡Shakes-vantes!, Gigantes, el musical, Cuento de Navidad de Charles Dickens o El método Grönholm de Jordi Galcerán.

Nel 2018 estrenen, con otres trés compañíes, Horror, el show que nunca se debió hacer, y, gracies a esti primer proyectu, nel 2019 creóse El Jaleo Producciones Artísticas S.L., cola que se lleva a cabu la producción de Corín Tellado, el espectáculo, Los Tuñón y Swingers. Nel 2019 producen MOBA-Juegos de Guerra, Cas-ting y El Jorobado/El Gorrumbu.

La catedral de Notre Dame, unu de los símbolos culturales d’occidente, ta arrodiada poles llames. El fueu va tar hores afectando a la cubrición y a tola so estructura. L’intensu calor non solo provoca destrucción sinón tamién un viaxe nel tiempu. Les pantasmes, qu’habiten ente les sos piedres, materialícense y lluchen por camudar lo que-yos trae la historia. Quasimodo y Esmeralda van vivir nuevamente la so historia d’amor col deséu de camudar el so destín tráxicu. ¿Sedrán quién a consiguilo? ¿Podrán independizase y escribir un final distintu?