Circuitu de música

Non too ye lo que paez, les etiquetes despístennos y el contestu engáñanos. N’El más rockero de todos los tiempos facemos comparanza de la música clásica col rock y escuchamos les diferencies, onde les hubiere. Un conciertu con músicos multiinstrumentistes que varien la formación pa xugar col oyente que vive esperiencies sonores nueves nun repertoriu conocíu clásicu y rockeru.

L’espectáculu llévanos de los garages británicos del sieglu XX a los palacios barrocos del XVII, al traviés de la comparativa de contino ente compositores, estilos, contestos y époques. ¿Qué ye’l rock? ¿Existía enantes de que lo llamaren rock? ¿Quién va ser entós el más rockeru de tolos tiempos? ¡Spoiler! Ye mui probable que salgamos del conciertu con más preguntes que respuestes, pero lo que ye seguro ye que vamos salir con una sonrisa y con ganes de siguir esperimentando.