A la manera vieya de los grupos tradicionales asturianos que, n’otros tiempos, caleyaron y percorrieron tolos requexos d’Asturies p’anuncianos l’alborada y amenizar procesiones o romeríes, esti conxuntu entamáu n’Uviéu nel añu 2013 incorpora a los conxuntos tradicionales de gaita y tambor otros instrumentos como la cordión diatónica, el saxo barítonu o la gaita en distintes tonalidaes.

Con too, La Garrapiella xuega col repertoriu tradicional asturianu ensin escaecer otres músiques y melodíes de países vecinos, amás de composiciones de los propios miembros.