Circuitu d’artes escéniques

Andando d’equí p’allá pel mundu, un xuglar atópase con Miguelín, un neñu pastor al que esti añu nun-y dexaron nada los reis magos. Dambos los dos entamen un llargu viaxe contra l’Oriente. Ellí van descubrir que a Gaspar, Melchor y Baltasar secuestrólos el Señor de la Guerra, y van tener que los lliberar. Una hestoria con títeres sorprendentes y música en direuto.

Una fábula prestosa interpretada por un xuglar que remana los títeres, la música y la pallabra poética pa facemos entamar, con él y col neñu Miguelín, un “llargu viaxe contra l’Oriente”.