Monochrom ye una esperiencia audiovisual creada a costafecha pal álbum Perfect Peace d’Oscar Mulero, que va tar acompañáu n’escenariu por Javier Bejarano, que la va executar y manipular nel directu a tiempu real.

Los artistes Javier Bejarano y Nazare Soares lleven creando’l conceptu cinematográficu en collaboración dende’l 2016. Les imáxenes cinematográfiques creaes polos dos artistes son el resultáu d’una esploración del diálogu ente imáxenes fixes y en movimientu, y la so rellación cola construcción de la memoria y de la historia al traviés de tecnoloxíes vieyes y nueves.  Con esta combinación dinámico-estática y al traviés de la superposición de diverses capes de metraxe a cámara lenta, l’espectador somórguiase nuna constelación d’imáxenes al traviés de la contemplación. El ritmu, la repetición y duración foron parámetros  perimportantes na construcción de Monochrome y cómo afecten éstos al poder de tresmutación d’estes imáxenes dientro de la esperiencia cognitiva y somática del espectador. La tresformación de les cualidaes abstractes del blancu y negru tán lligaes a parámetros d’oscilación ente harmonía y disonancia sonora proporcionaes pola propia obra musical.