Minerflu ye una aprendiz de bruxa un pocu xostrona y distrayida que vien a cuntanos les hestories y cuentos qu’escuchó de les sos güeles bruxes. Mientres practica ensin ésitu una y otra vez los sos fervinchos y conxuros, va dir cuntándonos estes hestories heriedaes que guarden muncha sabiduría, sorprendiéndonos tamién con diferentes disciplines artístiques.

Un espectáculu únicu qu’entemez cuntacuentos con malabares, clown, tradición oral, maxa risible, manipulación d’oxetos, música en directu y peripecies de circu.