María y Aurora son trabayadores del sieglu XX. Nun descansu, falen de la tradición minera n’Asturies pagando especial atención a la vida de les muyeres que trabayaron na mina. Van recordar que nes cuenques mineres les muyeres tuvieron siempres trabayos venceyaos a la minería: nos llavaderos y descargaderos, nos baldes aéreos, echando tamién carbón como vagoneres, como llampisteres, como guardabarreres... Toos esos trabayos y otros, como la llimpieza y el tresporte, taben venceyaos directamente a la mina y yeren desempeñaos por muyeres.