Carlos, policía. Marga, ama de casa. Tres munchos años de casaos ven que lo suyo nun furrula. Bono, sobre too, velo Marga, que yá nun ye quien p’aguantar más la situación. Pa intentar iguar les coses deciden facer un viaxe. Garrar unes vacaciones y intentar arreglalo too. Y, como tol mundu sabe, el meyor sitiu pa solucionar los problemes d’un matrimoniu ye…. París.

Paez que d’esta va salir too perfecto. Carlos pidió dellos díes llibres nel trabayu y esmeróse dafechu en preparar el so “equipaxe”. Marga ta ablucada cola actitú d’él. El xefe de Carlos hasta púnxo-yos un coche pa dir al aeropuertu, unos homes atáquenlos y tienen que metese nuna estación de metru pa escapar. Ellí entama la so aventura.