Picarós ye un tríu instrumental de gaita/whistle, guitarra y bodhrán que reinterpreta la música tradicional asturiana y atlántica al traviés d’un repertoriu de composiciones propies caracterizáu pola so orixinalidá y calidá. Nel 2024 llanzaron el so primer discu, Son d’Ermu, que los llevó a ser finalistes nel prestixosu Festival Internacional del Mundu Celta de Ortigueira, ún de los eventos más importantes del folk celta a nivel internacional. La so música ye una invitación a descubrir nueves formes de sentir y esfrutar les raíces atlántiques, abierta a oyentes de toles xeneraciones y gustos musicales.