Cuévano ye una banda nueva qu’atropa a un númberu grande de músicos de la escena asturiana contemporánea. El proyectu ñaz de les jam sessions celebraes na Taberna Cuévano, en La Pola Siero, un espaciu d’alcuentru musical onde diferentes artistes entamaron a compartir repertoriu, idees y una visión común alredor de la música de raigañu asturiana.

Cuévano ñaz col envís de crear un espaciu musical colectivu nel que la tradición asturiana dialogue con formes nueves d’interpretación y creación, construyendo un repertoriu propiu y una identidá sonora compartida.