Los cuentos que bien sé ye una actividá de dos sesiones pa una sola fecha. La primera ye un cuntacuentos pa tolos públicos, que pue empobinase pa les edaes que se quiera convocar. La segunda parte de la propuesta ye pa persones adultes o moces a partir de 14 años (familiares o non del grupu anterior) y acompaña les narraciones con un percorríu pola simboloxía del cuentu y diverses desplicaciones sobre la so universalidá y la so importancia pa la construcción de comunidaes culturales.