Desmontando a Jim ye una esperiencia escénica que combina música y teatru a partir de los poemes de Jim Morrison. Un espectáculu chamánicu que pasa, y fái pasar al públicu, per distintes emociones, per distintos estaos d’ánimu y per distintes idees, valiéndose de los cantares de The Doors y de los testos de Morrison.

Sexu. Muerte. Fuxida. Blues. Rock. Punk. Dende lo más íntimo lo más selvaxe. Too forma parte de Desmontando a Jim.