Cuatro intérpretes enfréntense al retu de condensar les quinientes páxines de la xoya de Bram Stoker nuna hora y diez de puru deliriu escénicu. Col ataúd arrecostines y la estaca na mano, embárquense nel viaxe más sangrientu de la so carrera con una misión desesperada: demostrar que’l terror y la risa son dos cares de la mesma moneda.

Con una estética gótica impecable, el sellu inconfundible de Guayominí Producciones, cantares en directo y la complicidá absoluta del espectador, esta versión de DRÁCULA promete ser una esperiencia tan actual como inmortal. Porque, a la fin, nun hai nada que dea más mieu qu’una bisarma del sieglu XIX dándonos llecciones de moral nel sieglu XXI.