La primer posa del itinerariu ye la ilesia prerrománica de San Xuan en Santianes, Pravia, que tien reconstrucciones y tamién caltién elementos orixinales, que se puen ver tanto nel templu como nel Muséu del Prerrománicu de Santianes, que vamos visitar depués.

En Pravia, que conectaba´l Camín de la Costa col Primitivu, vamos aparar na Plaza Sabino Moutas, onde vamos conocer el Palaciu Moutas güei equipamientu hosteleru y los esteriores de la Colexata de Santa María la Mayor. D´ehí treslladámonos al mirador de los cuetos d´El Río Nora, declaraos Monumento Natural. Los ríos foron un obstáculu pa los pelegrinos na antigüedá, que teníen que los cruciar o vadiar, y siempre suponíen un peligru.