A Veiga, San Tiso d’Abres y Castropol han a compartir del 5 al 8 de setembre úa programación gratuíta de música, patrimonio, gastronomía, artesanía y deporte

A celebración mantén el modelo itinerante y compartido desenvolto nos Ozcos nel 2024 y na comarca da Sidra nel 2025

A vicepresidenta Gimena Llamedo destaca que “este formato lleva el protagonismo institucional a os territorios y fai visible úa Asturias diversa, cohesionada y en tresformación”

La ría del Eo va ser l’escenariu del Día d’Asturies con cuatro xornaes pa festexar la identidá, la cultura y les tradiciones del Principáu

A Veiga, San Tiso d’Abres y Castropol van compartir del 5 al 8 de setiembre una programación gratuita de música, patrimoniu, gastronomía, artesanía y deporte

La celebración caltién el modelu itinerante y compartíu desenvueltu en Ozcos nel 2024 y na comarca de la Sidra nel 2025

La vicepresidenta Gimena Llamedo destaca que “esti formatu lleva’l protagonismu institucional a los territorios y fai visible una Asturies diversa, cohesionada y en tresformación”

02/09/2026.- El Goberno del Principao vai celebrar este ano os actos conmemorativos del Día d’Asturias na Veiga, San Tiso d’Abres y Castropol, os tres conceyos vinculaos á ría del Eo, qu’han a acoyer entre el 5 y el 8 de setembre un amplio programa gratuíto dedicao al patrimonio histórico y natural, ás tradicióis y á cultura del occidente asturiano.

A vicepresidenta, Gimena Llamedo, presentóu esta mañá na Veiga el programa d’actividades gratuítas qu’ha a acoyer cada ún dos conceyos anfitrióis y qu’incluye mercaos tradicionales, visitas guiadas, mostras d’artesanía y gastronomía, exhibicióis de deportes y xogos autóctonos, espectáculos de caye, talleres y música. Tuvo acompañada pol director de Reto Demográfico, Marcos Niño, y os alcaldes da Veiga, César Álvarez Fernández; San Tiso d’Abres, Clemente Martínez Rodil, y Castropol, Francisco Javier Vinjoy.

Llamedo destacóu qu’esta edición mantén a filosofía d’úa celebración compartida por distintas zonas da comunidá: “El Día d’Asturias convertíuse núa ferramenta pra llevar el protagonismo institucional a os territorios y fer visible úa Asturias diversa, cohesionada y en tresformación”.

A vicepresidenta recordóu qu’este formato empezóu nel 2024, condo por vez primeira a celebración desenvolvéuse conxuntamente nos tres conceyos dos Ozcos. El ano pasao, el programa tresladóuse a os seis conceyos da comarca da Sidra, núa edición dedicada especialmente al reconocemento da cultura sidreira asturiana como Patrimonio Cultural Inmaterial da Humanidá pola Unesco.

 “Cada territorio aporta a súa propia personalidá y todos forman parte d’úa mesma Asturias. Este ano queremos qu’a ría del Eo seña un gran punto d’encontro pras asturianas y os asturianos”, amecéu Llamedo.

A programación combina mercaos, visitas guiadas, artesanía, gastronomía, deportes y xogos tradicionales, espectáculos de caye, talleres y concertos:

• A Veiga (sábado 5 de setembre):

El programa oficial d’actos empeza na Veiga col apertura del mercao de productos ecolóxicos ECO 21 na capital del conceyo y da esposición Divertimento, na Casa da Cultura. Ademáis, ha a poderse gozar de pasacayes, amenizao pola banda de gaitas El Penedón, dos Xogos a lo grande y d’úa comida popular.

El público ha a poder participar núa visita guiada al conxunto escultórico da Veiga, qu’incluye úa intervención poética, y del volo nun globo cautivo nel área recreativa El Noveledo. A nota musical han a poñella el grupo Sintético Fantástico, el Asociación de Cantantes y Folclore del Valle del Nalón, el artista ovetense Rita Ojanguren, y as bandas de rock Macavera y Bacotexo, y Los Berrones.

• San Tiso d’Abres (domingo 6 de setembre)

El área recreativa do Piñeiro acoye os actos neste conceyo, qu’empezan con dúas actividades deportivas —un paseo en bicicleta pola ruta del ferrocarril y outro en canoa pola ría del Eo— y úa visita guiada a San Tiso d'Abres.

El público que s’achegue a este conceyo ha a gozar dos productos del mercao asturiano, de xogos y deportes tradicionales y del volo en globo. Ademáis, ha a poder conocer como s’elabora úa rosca de Semana Santa típica del occidente asturiano, asistir a úa demostración da maya del trigo y participar núa degustación de cocido.

A música de gaita y tambor y del multiinstrumentista Pablo Canalís, ademáis da canción asturiana d’AICA y os concertos de Tejedor, del grupo de rap en asturiano Mostru l’Horru y da orquesta Assia, completan el axenda d’actividades.

• Castropol (llúis 7 y martes 8 de setembre)

Os actos festivos en Castropol repártense en dúas localizacióis. El llúis 7 de setembre ha a llevarse a cabo úa exhibición de mazar sidra y un taller de nougos marineiros nel Porto das Figueiras, unde tamén ha a poderse gozar del espectáculo de caye Xentes de Mar, de Higiénico Papel Teatro, d’úa degustación de productos asturianos y del concerto de Marisa Valle Roso, ademáis del espectáculo de drois Asturias Paraíso Natural.

El martes 8, a capital del conceyo ha a acoyer talleres demostrativos d’oficios artesanos y un taller showcooking d’ostras. Tamén han a poder realizarse visitas guiadas pola villa, dar paseos en barco pola ría y gozar das alfombras florales realizadas pol Asociación El Pampillo. A música da banda de gaitas El Penedón, as cántigas tradicionales del Asociación Cultural Canción Asturiana Narcea y el espectáculo Áncora d’Hipnótica Circo Teatro han a animar as cayes de Castropol, que tamén vai acoyer a I regata de bateles Día d’Asturias y úa zalea de barcos de vela latina, ademáis dos concertos de Carmelita y a orquesta Waykas.

As visitas guiadas al conxunto escultórico da Veiga, a San Tiso d’Abres y al centro histórico de Castropol, os volos cautivos de globo aerostático y el taller de nougos marineiros tein prazas limitadas, polo qu’é necesario realizar inscripción previa na web https://entradas.turismoasturias.es/es/

El programa completo pral Día d’Asturias pode consultarse na web asturiesculturaenrede.es.

02/09/2026.- El Gobiernu del Principáu va celebrar anguaño los actos conmemorativos del Día d’Asturies n’A Veiga, San Tiso d’Abres y Castropol, los trés conceyos vinculaos a la ría del Eo que van acoyer ente’l 5 y el 8 de setiembre un programa gratuitu ampliu dedicáu al patrimoniu históricu y natural, les tradiciones y la cultura del occidente asturianu.

La vicepresidenta, Gimena Llamedo, presentó esta mañana n’A Veiga’l programa d’actividaes gratuites que va acoyer caún de los municipios anfitriones y qu’incluye mercaos tradicionales, visites guiaes, muestres d’artesanía y gastronomía, exhibiciones de deportes y xuegos autóctonos, espectáculos de cai, talleres y música. Tuvo acompañada pol director de Retu Demográficu Marcos Niño, y los alcaldes d’A Veiga, César Álvarez Fernández; San Tiso d’Abres, Clemente Martínez Rodil, y Castropol, Francisco Javier Vinjoy.

Llamedo destacó qu’esta edición caltién la filosofía d’una celebración compartida per zones estremaes de la comunidá: “El Día d’Asturies convirtióse nuna ferramienta pa llevar el protagonismu institucional a los territorios y facer visible una Asturies diversa, cohesionada y en tresformación”.

La vicepresidenta recordó qu’esti formatu empezó nel 2024, cuando pela primer vez la celebración desenvolvióse conxuntamente nos trés conceyos d’Ozcos. L’añu pasáu, el programa treslladóse a los seis municipios de la comarca de la Sidra, nuna edición dedicada sobre manera a la reconocencia de la cultura sidrera asturiana como Patrimoniu Cultural Inmaterial de la Humanidá pola Unesco.

“Cada territoriu aporta la so propia personalidá y toos formen parte d’una mesma Asturies. Esti añu queremos que la ría del Eo seya un gran puntu d’alcuentru pa les asturianes y los asturianos”, añadió Llamedo.

La programación combina mercaos, visites guiaes, artesanía, gastronomía, deportes y xuegos tradicionales, espectáculos de cai, talleres y conciertos:

• A Veiga (sábadu 5 de setiembre):

El programa oficial d’actos arranca n’A Veiga cola apertura del mercáu de productos ecolóxicos ECO 21 na capital del conceyu y de la esposición Divertimento, na Casa la Cultura. Amás, va poder disfrutase de pasucais, amenizáu pola banda de gaites El Penedón, de los Juegos a lo grande y d’una comida popular.

El públicu va poder participar nuna visita guiada al conxuntu escultóricu d’A Veiga, qu’incluye una intervención poética, y del vuelu nun globu cautivu nel área recreativa El Noveledo. La nota musical van ponela’l dúu Sintético Fantástico, l’Asociación de Cantantes y Folclor del Valle del Nalón, l’artista ovetense Rita Ojanguren, y les bandes de rock Macavera y Bacotexo, amás de Los Berrones.

• San Tiso d’Abres (domingu 6 de setiembre)

L’área recreativa d’O Piñeiro acueye los actos nesti conceyu, qu’empiecen con dos actividaes deportives —un paséu en bicicleta pela ruta del ferrocarril y otru en canoa pela ría del Eo— y una visita guiada a San Tiso d’Abres.

El públicu que s’avere a esti municipiu va disfrutar de los productos del mercáu asturianu, de xuegos y deportes tradicionales y del vuelu en globu. Amás, va poder conocer cómo s’ellabora una rosca de Selmana Santa típica del occidente asturianu, asistir a una demostración de la maya del trigu y participar nuna degustación de cocíu.

La música de gaita y tambor y del multiinstrumentista Pablo Canalís, amás de la canción asturiana de AICA y los conciertos de Tejedor, del grupu de rap n’asturianu Mostru l'Horru y de la orquesta Assia, completen l’axenda d’actividaes.

• Castropol (llunes 7 y martes 8 de setiembre)

Los actos festivos en Castropol repártense en dos localizaciones. El llunes 7 de septiembre va llevase a cabu una exhibición d’echar sidra y un taller de nudos marineros nel Puertu d’As Figueiras, onde tamén se va poder disfrutar del espectáculu de cai Gentes de Mar, d’Higiénico Papel Teatro, d’una degustación de productos asturianos y del conciertu de Marisa Valle Roso, amás del espectáculu de drones Asturies Paraísu Natural.

El martes 8, la capital del conceyu va acoyer talleres demostrativos d’oficios artesanos y un taller showcooking d’ostres. Tamién van poder realizase visites guiaes pela villa, dar paseos en barcu pela ría y disfrutar de les alfombres florales feches pola Asociación El Pampillo. La música de la banda de gaites El Penedón, los cantares tradicionales de l’Asociación Cultural Canción Asturiana Narcea y l’espectáculu Áncora d’Hipnótica Circo Teatro van animar les cais de Castropol, que tamién va acoyer la I regata de bateles Día d’Asturies y una zalea de barcos de vela llatina, amás de los conciertos de Carmelita y la orquesta Waykas.

Les visites guiaes al conxuntu escultóricu d’A Veiga, a San Tiso d’Abres y al cascu históricu de Castropol, los vuelos cautivos de globu aerostáticu y el taller de nudos marineros tienen plazas llimitaes, polo que ye menester realizar inscripción previa na web https://entradas.turismoasturias.es/es/.

El programa completu pal Día d’Asturies pue consultase na web asturiesculturaenrede.es.