La Xira Didáctica ye un circuitu de dinamización cultural y educativa pensada pal alumnáu de llingua asturiana y lliteratura y d’eonaviegu con un catálogu d’actividaes que combina un conteníu educativu singular, orientáu a rangos d’edá específicos con calidá artística y cultural y adecuau al so públicu oxetivu.

La “Xira Didáctica” va desenvolvese en dellos conceyos del Principáu d’Asturies pa facilitar que tola comunidá educativa tenga accesu a esta programación onde les llingües vehiculares van ser l’asturianu y l’eonaviegu.

Los oxetivos son, ente otros:

• Dar a conocer el trabayu de profesionales de dellos ámbitos como les artes escéniques, la música, el cine, la ciencia, la historia, la lliteratura, arquitectura, l’arte, etc.

• Averar a la comunidá educativa del Principáu d’Asturies una programación d’actividaes didáctiques y artístiques diverses y de calidá que puedan valir como complementu a los conteníos impartíos nel aula.

• Ayudar a la promoción, difusión, normalización y usu del asturianu y l’eonaviegu (gallego-asturianu).

• Fomentar el desenvolvimientu de los vezos y el consumu culturales ente públicu variao y dende edaes tempranes nel so entornu más averáu.

• Fomentar la convivencia y interacción ente los escolinos asturianos fuera del so entornu inmediatu de referencia.

 

 

A Xira Didáctica é un circuito de dinamización cultural y educativa pensada pral alumnao de llingua asturiana y lliteratura y d’eonaviego con un catálogo d’actividades que combina un contido educativo singular, orientao a rangos d’edá específicos con calidá artística y cultural y adecuao al sou público obxetivo.

A “Xira Didáctica” ha a desenvolverse en distintos conceyos del Principao d’Asturias pra facilitar que toda a comunidá educativa teña acceso a esa programación unde as llinguas vehiculares han a ser el asturiano y el eonaviego.

Os obxetivos son, entre outros:

• Dar a conocer el trabayo de profesionales de diferentes ámbitos como as artes escénicas, a música, el cine, a ciencia, a historia, a lliteratura, el arquitectura, el arte, etc.

• Achegar á comunidá educativa del Principao d’Asturias úa programación d’actividades didácticas y artísticas diversas y de calidá que podan valir como complemento a os contidos impartidos nel aula.

• Axudar á promoción, difusión, normalización y uso del asturiano y el eonaviego (gallego-asturiano).

• Fomentar el desenvolvemento dos avezos y el consumo culturales entre os distintos públicos y dende edades tempranas na súa contornada máis achegada. • Fomentar a convivencia y interacción entre os escolares asturianos fóra da súa contornada inmediata de referencia.