La vida de Lazarillo de Tormes y de sus fortunas y adversidades, más conocida como el Lazarillo de Tormes, novela publicada nel sieglu XVI (año 1554) y d‘autoría desconocida, ye una de les obres cimeres de la lliteratura española, que da entamu al xéneru conocíu como “novela picaresca”.

Llázaro de Tormes, quien nel momentu de la representación ye pregoneru del vinu del Arcipreste de San Salvador, cunta les sos “picardíes” cola intención de xustificar la so vida, faciendo de pasu un retratu simpáticu de la sociedá de la época. La comicidá y la complicidá col públicu tán presentes nel montaxe, ensin descuidar la calidá lliteraria del testu.