Acustik as a Brick ye una adaptación de la visión más folk del músicu Ian Anderson, líder de la mítica banda Jethro Tull. 

Una reinterpretación pa guitarra acústica, voz y flauta travesera del álbum Thick As Brick de 1972, na qu’Anderson desarrolla un estilu de composición bien especial que nútrese de diferentes técniques tradicionales combinaes con formes más propies d’un sistema clásicu, casi medieval, de la fantasía al poema sinfónicu, alcuando barrocu y alcuando modernista, creando la primer obra de folk rock progresivu. 

Amás d’interpretar entera la parte I del discu que da nome al proyectu, los músicos asturianos Luis Fuente (guitarra y voz) y David Amores (flauta) van ufrir una introducción sobre Jethro Tull y una selección de grandes ésitos de la banda, incluyendo clásicos como Bouree, Aqualung y Mother Goose.